भले होउदे सारा देश बंद

भले होउदे देश सारा बंद

पण आम्हाला त्याच्याशी न द्यायचं न घ्यायचंय

ओरडेनात का पोलीस जिवाच्या आकांताने

पण आम्हाला तरीपण बाहेर उनाड फिरायचय

भले बसुदेत सारे बंद घरामध्ये

आम्हाला तर भाजी साठी का होईना बाहेरच जायचंय

कितीपण मरेनात का कोरोनाच्या विळख्यात

आम्हाला तरीपण बाहेर पडायचं कारण शोधायचंय

होऊदेत बंद जत्रा आणि उत्सवसुद्धा सारे

आम्हाला तरीपण एकत्र यायचंय

एकट्याने बहुतेक होत नसाव्या कसल्याच प्रार्थना

कारण हजारोंनी जमून जीवाशीच खेळायचंय

मोडेनात का सगळे जण जन्माची दुश्मनी

आणि किती का येईनात या युद्धात एकत्र

सारा देश जरी एकत्र लढत राहिला 

तरी आम्हाला मात्र ह्यात धर्मप्रेमच आणायचंय

शहाणपण देगा देवा म्हणून सारेच ओरडतायत

पण काहींना कुणाचं कुठे काय ऐकायचंय?

टिक टॉक वर नको तसले व्हिडीओ करून 

आम्हाला वातावरण पूर्णच बिघडवायचंय

चार दिवस अजून घरात बसलो तर

काय माहीत किती मोठी आपत्तीच येईल!!!

दोन दिवस एकत्र नाही आलो ना तर

काय माहीत किती मोठी जगबुडी होईल!!!