कोरोना विषाणूची दुसरी बाजू!

उभ्या जगताच्या सीमांमध्ये 

कधीच ऐसे घडले नाही

जगण्यासाठी काम सोडून 

घरी कोणीच बसले नाही

एकमेकांना जगवण्यासाठी 

कोणीच ऐसे लढले नाही

केले एवढ्याश्या विषाणूने जे,

ते कधी कुणाला जमले नाही

तुझ्याच चुका मानवा तुला

कधीच कश्या कळल्या नाहीत?

आज अशी दुर्दशा झाली 

तरी का त्या थांबल्या नाहीत?

प्रदूषणाला रोखून धरणे

मानवा तुज कधी साधले नाही

आज सारखा श्वास मोकळा

कधी वसुंधरेला लाभला नाही

मानवाच्या चुकांचे असे प्रायश्चित्त

कधीच त्याला मिळाले नाही

उभ्या जगाचे असे स्मशान

आजवर कधीच झाले नाही

मान्य आहे मेलेत कित्येक पण 

माणूस आजसारखा थांबला नाही

दुर्दैव म्हणावे की सुदैव ह्यास 

माझे मलाच कळले नाही

उभ्या जगताच्या सीमांमध्ये 

कधीच ऐसे घडले नाही

Shri Speaks